A festa...

Mi ricordu caquann'era picciliddu

a Duminica nisciva cu me patri

e passiannu u' gnornu mezz' a chiazza tutt'un trattu....

tra carretti e ciancianeddi mi truvai;

e la musica e i culura e a risata de cristani,

quantu genti e quanti canti: chi casinu mezz'a strata;

e io nicu cu me patri ca taliava sti cristiani e ci diciva nicareddu:

ma chi fannu sta'jurnata ?

E iddu forti e beddu, abbrazzannumi, chi manu mi diciva;

oi e' festa, stacc' attentu,

è la festa da natura e de xhiura e de culura e di tutti l'atri genti;

stacc'attentu un tu scurdari,

ca dumani ca si granni tu e to figli ci l' ha diri,

ca taliannu st'arbuliddi e tastannu st'aria duci

si fa festa mezzu e xhiura

ca nì fa festa la natura.